पर त्यो,
धुम्म,कालो, क्षितिज भेट्ने
अनगिन्ति अप्ठ्यारा बाटा अनि चौबाटाहरुमा
टुट्दै, फुट्दै,
लर्खरौदै, धन्मनौदै ,
गुड्दै छ,
एउटा जिन्दगी ।
निसास्सिएको एउटा जिन्दगी
जहाँ ,
हाँसो , हाँसो बनेर खुल्न सक्दैन,
खुशी, खुशी बनेर घुल्न सक्दैन ।
पिल्सिएको एउटा जिन्दगी
जहाँ,
चोट, चोट बनेर दुख्न सक्दैन,
पीडा, पीडा बनेर पोखिन सक्दैन ।
थिचिएको एउटा जिन्दगी
जहाँ,
आँसु, आँसु बनेर खस्न सक्दैन,
शब्द , शब्द बनेर झर्न सक्दैन ।
तैपनि कहिँ कतै
नफ़ुटेझैं , नटुटेझैं, नदुखेझैं
गुड्दैछ हाँसोको लेप दलेर,
नाटकी एउटा जिन्दगी।
0 comments:
Post a Comment